काठमाडौं । धरान स्थायी ठेगाना भएका लोकप्रिय गजल गायक निशान भट्टराईको सोमबार राति तीन तीनकुनेमा भएको सवारी दुर्घटनामा परी निधन भएको छ । भट्टराई गायिका लोचन भट्टराईका भाइ थिए । दरबारमार्गमा रहेको बानथाई रेस्टुरेन्टमा आफ्नो प्रस्तुति दिएर निवास फर्कने क्रममा भट्टराईले चलाएको कार तीनकुनेस्थित सडकको पोलमा ठोक्किएर दुर्घटना भएको प्रहरीले बताएको छ । दुर्घटनामा गम्भीर घाइते भट्टराईलाई उपचारका लागि ट्रमा सेन्टर लगिएकोमा उपचारकै क्रममा उनको निधन भएको थियो ।