काठमाडौं । पूर्व मिस नेपाल श्रृंखला खतिवडाको गुप्त प्रेम विवाहमा परिणत हुने भएको छ । सिसन बानियाँसँग प्रेममा सम्बन्धमा रहेकी पूर्व मिस नेपाल खतिवडा अर्को वर्ष वैवाहिक बन्धनमा बाँधिने भएकी हुन् । खतिवडाले आफ्नो सम्बन्ध यसअघि लुकाउँदै आएकी थिईन् । तर, मिडियामा उनीहरुलाई पछ्याउनेको संख्या बढेपछि खतिवडा र बानियाँको प्रेम सम्बन्ध लुक्न नसकेको हो ।
उनीहरुको विवाह २०७७ मा हुने पारिवारिक स्रोतले बताएको छ । खतिवडा सन् २०१८ की मिस नेपाल हुन् । यो जोडीको प्रेम सम्बन्धको चर्चा भने श्रृंखला मिस वल्र्डका लागि चीन जानुभन्दा अघि मकवानपुरमा तयार पारेको एक डकुमेन्ट्रीका कारण भएको थियो ।
