काठमाडौं । नियामक निकाय बीमा समितिका अध्यक्ष सूर्य प्रसाद सिलवाल समक्ष सिटिजन लाइफ इन्स्योरेन्स कम्पनीका नव निर्वाचित अध्यक्ष प्रदीपजंग पाण्डेले पद तथा गोपनियताको शपथ लिएका छन् । हालै सम्पन्न साधारणसभाले पाण्डेलाई आगामी चार वर्षका लागि कम्पनीको अध्यक्षमा निर्वाचित गरेको थियो ।शपथग्रहण लगत्तै पाण्डेले पदभार ग्रहण गरे । उनले पदभार ग्रहण गर्दै सिटिजन लाइफ इन्स्योरेन्स कम्पनीमा बीमा गर्ने बीमित अधिकतम् लाभ, कम्पनीमा लगानीकर्ताहरुलाई उचित प्रतिफल दिने र जीवन बीमा सेवालाई अझै सहज र सरल बनाउने प्रतिबद्धता व्यक्त गरेका छन् ।