अर्थ बिमा समाचारदाता
अन्तराष्ट्रिय मुद्रा कोषमा बुल्गेरियाकी अर्थबिद् तथा विश्व बैंकको पूर्व सिइओ क्रिस्टालिना जर्जियभाको नेतृत्व हुने भएको छ ।
अन्तराष्ट्रिय मुद्रा कोषले बिज्ञप्ती जारी गर्दै यूरोपमा लामो समयसम्म आर्थिक क्षेत्रमा क्रिस्टालिनाले राखेको पकड र नेतृत्वको कदर गर्दै कोषको नेतृत्वका लागि क्रिस्टालिना जर्जियभा एकमात्र उम्मेदवार भएको जानकारी दिएको छ ।
अब क्रिस्टालिना पूर्व प्रमुख क्रिस्टिना लागार्डको उत्तराधिकारीका रुपमा आइएमएफ सम्हाल्नु हुने भएको छ ।
अर्थ्बिद् क्रिस्टालिनाले यसअघि बुल्गेरियाको इयू कमिसनरका रुपमा काम गरिसक्नुभएको छ ।
अर्थ्बिद् क्रिस्टालिनासँग लामो अनुभव र विज्ञता भए तापनि विकसित अर्थतन्त्रहरुको बित्तीय समस्यासँग भने उहाँको पकड कम रहेकोले उहाँले कोषको नेतृत्व सम्हालेसँगै थुप्रै चुनौतिहरुको सामाना गर्नुपर्ने निश्चित छ ।