काठमाडौं । नेशनल लाइफ इन्स्योरेन्स कम्पनीले आफ्ना अभिकर्तालाई सामाजिक सञ्जालमार्फत बीमा व्यवसाय प्रवर्द्धन गर्दा मनलाग्दी सूचना, कम्पनीको लोगो तथा बीमा योजनाको गलत व्याख्या नगर्न निर्देशन दिएको छ।
कम्पनीमा आबद्ध केही अभिकर्ताले सामाजिक सञ्जालमा कम्पनीको नाम, लोगो तथा बीमा योजनाको अनधिकृत प्रयोग गर्नुका साथै बीमा योजनासम्बन्धी सूचनाको गलत व्याख्या गर्ने गरेको पाइएपछि कम्पनीले सामाजिक सञ्जाल आचारसंहिता जारी गरेको जनाएको छ।
कम्पनीका अनुसार यस्ता गतिविधि प्रचलित कानुन, नेपाल बीमा प्राधिकरणबाट जारी ऐन, नियमावली तथा निर्देशिका र कम्पनीको नियम एवं प्रतिष्ठाविपरीत हुन सक्ने भएकाले प्रदेश तथा शाखा कार्यालयअन्तर्गतका सबै अभिकर्तालाई तोकिएका गतिविधि नगर्न निर्देशन दिइएको हो।
नेशनल लाइफले अभिकर्तालाई सामाजिक सञ्जालमा निम्न गतिविधि नगर्न भनेको छ :
कम्पनीले अभिकर्तालाई कानुन तथा निर्धारित आचारसंहिताविपरीतका गतिविधि नगर्न चेतावनी दिँदै त्यस्तो कार्य भएमा नियमानुसार हुने कारबाहीको जिम्मेवारी सम्बन्धित अभिकर्ता स्वयंले लिनुपर्ने स्पष्ट पारेको छ।
यो व्यवस्थाले सामाजिक सञ्जालमार्फत हुने भ्रामक बीमा प्रचार, गलत सूचना र ग्राहकको व्यक्तिगत विवरणको अनधिकृत प्रयोगलाई नियन्त्रण गर्ने कम्पनीको प्रयासका रूपमा हेरिएको छ।
