काठमाडौं । सामान्य अवस्थाका विरामीलाई घरैमा राखिएको छ भने केही लक्षण देखिएका विरामीलाई अस्पतालको आइसोलेसनमा राखिएको छ ।
अझै गम्भीर प्रकृतिको लक्षण देखिएका विरामी आइसियु र भ्यान्टिलेटरमा रहेका छन् । देशभर कोरोना संक्रमितको संख्या बढेसँगै आइसियुमा र भेन्टिलेटरमा उपचार गर्नेको संख्या पनि बढ्न थालेको छ।
स्वास्थ्य तथा जनसंख्या मन्त्रालयका अनुसार देशभर ४ सय ४१ जना कोरोना संक्रमित विभिन्न अस्पतालको आइसियु र भेन्टिलेटरमा उपचाररत छन्। मन्त्रालयको तथ्यांक अनुसार ७६ जना भेन्टिलेटरमा र ३६५ जना संक्रमित आइसियुमा उपचाररत रहेका छन्।
आइसियुमा रहेका संक्रमितको संख्या सबैभन्दा बढी बागमती प्रदेशमा १६३ जना आइसियु र ३५ जना भेन्टिलेटर, लुम्बिनी प्रदेशमा ५८ जना आइसियु र ६ जना भेन्टिलेटरमा, प्रदेश १ मा ४४ जना आइसियु र १५ जना भेन्टिलेटरमा र प्रदेश २ मा ८ आइसियु र भेन्टिलेटरमा २ जना उपचाररत रहेको मन्त्रालयले जनाएको छ।
त्यस्तै सुदुरपश्चिममा ७ आइसियु र १ जना भेन्टिलेटरमा, गण्डकी प्रदेशमा ८० आइसियु र १७ जना भेन्टिलेटरमा र कर्णाली प्रदेशमा ५ आइसियु उपचाररत रहेका छन्।
