काठमाडौं । प्रभु लाइफ इन्स्योरेन्स कम्पनीले प्राथमिक शेयर (आईपीओ) निष्काशन प्रकृया अघि बढाएको छ । इन्स्योरेन्सले हाल कायम जारी पूँजीको ३० प्रतिशत अर्थात ६० करोड रुपैयाँ बराबरको ६० लाख कित्ता शेयर सर्वसाधारणहरुलाई निष्काशन गर्न लागेको हो । आईपीओ निष्काशन गर्ने प्रस्ताव कम्पनीले साधारणसभाबाट पारित गरिसकेको छ । कम्पनीको हालको चुक्ता पूँजी एक अर्ब ४० करोड रुपैयाँ छ । आईपीओ निष्काशन पछि कम्पनीको पूँजी दुई अर्ब पुग्ने छ ।