काठमाडौं । १२ दिनको अस्पताल बसाईपछि प्रधानमन्त्री केपी शर्मा ओलीको आज डिस्चार्ज हुँदैछ । त्रिवि शिक्षण अस्पतालमा उपचाररत प्रधानमन्त्री ओलीलाई आज डिस्चार्ज गरिने अस्पताले बताएको छ ।
१९ फागुनमा अस्पताल भर्ना भएका प्रम ओलीको २१ गते मिर्गौला प्रत्यारोपण गरिएको थियो । मृर्गौला प्रत्यारोपणपछि चिकित्सकको उच्च निगारनीमा रहेका प्रधानमन्त्रीलाई मृर्गौलादाता भन्जी समीक्षा संग्रौला र श्रीमती राधिका शाक्यले मात्रै भेटघाट गरेका छन् । डिस्चार्ज पछि पनि प्रधानमन्त्रीलाई रुघाखोकी लागेको व्यक्तिहरुबाट टाढा रहन चिकित्सकहरुले सुझाव दिएका छन् । प्रधानमन्त्री ओलीलाई पूर्ण स्वास्थ्य लाभपछि डिस्चार्ज गर्न लागिएको अस्पतालका कार्यकारी निर्देशक प्रा डा प्रेमकृष्ण खड्गाले जानकारी दिएका छन् । यद्यपि उनलाई अझै केही समय आराम गर्नुपर्ने बताइएको छ ।