एजेन्सी । त्यसै भनिएको होइन प्रेम अन्धो हुन्छ भनेर । एउटै केटासँग प्रेममा परेका २ युवतीको बीच बजारमा भिडन्त भएको रोचक खबर सार्वजनिक भएको छ । समाचार एजेन्सीका अनुसार यो सम्पूर्ण मामला औरंगाबादको पैठान क्षेत्रको हो। जहाँ बस स्ट्यान्डमा दुई युवतीबीच झगडा भएको थियो । वास्तवमा, दुवै एउटै केटाको प्रेममा थिए। एक युवतीले आफ्नो प्रेमी अर्की केटीसँग देखेपछि रिस उठ्यो । सुरुमा दुई युवतीबीच झगडा भयो र त्यसपछि हेर्दाहेर्दै उनीहरुबीच कुटाकुट सुरु भयो । झगडा बढेको देखेर उनीहरूका प्रेमी घटनास्थलबाट भागेका थिए । यसैबीच प्रहरीले घटनास्थलमा पुगेर दुवै युवतीलाई प्रहरी चौकीमा ल्याएको थियो तर प्रहरी चौकीमा सोधपुछपछि उनीहरुलाई छाडिएको थियो । प्रहरीले यो घटना गएको बुधबार भएको जनाएको छ । जसमा बिहान सबेरै बस स्ट्यान्डमा दुई युवती आपसमा झगडा गरिरहेका थिए । किनकी दुबैको एउटै प्रेमी थियो र यही कुरालाई लिएर झगडा भएको थियो ।
बिहान सबेरै प्रेमी युवतीसँग बस स्ट्यान्डमा उभिरहेको बताइएको छ । अर्की युवतीले खबर पाएलगत्तै उनी पनि घटनास्थल पुगिन् । दुवैले प्रेमीका अगाडि झगडा गर्न थाले र त्यसपछि उनीहरु आपसमा कुटाकुट गर्न थाले । यसैबीच प्रेमी घटनास्थलबाट फरार भएका छन् । चौराहामा कोलाहलको बीचमा प्रहरी पुगेर युवतीलाई प्रहरी चौकीमा लगेर मामिला शान्त गराएको थियो ।