काठमाडौं । देशभर शाखा सञ्जाल विस्तार गरी ग्राहकलाई सुविधा दिँदै आएको एनआईसी एसिया बैंकले ललितपुरको मंगलबजार र काठमाडौँको दरबारमार्गमा एकैसाथ दुई नयाँ शाखा सञ्चालनमा ल्याएको छ । ललितपुर महानगरपालिका १२, टंगाल पाटनस्थित मंगलबजार शाखा र काठमाडौँ महानगरपालिका १, दरबारमार्ग स्थित दरबारमार्ग शाखा यही मङ्सिर २९ गतेबाट सञ्चालनमा आएको हो । मंगलबजार शाखाको उद्घाटन सोही वडाका वडा अध्यक्ष नारायणलाल अवाले र दरबारमार्ग शाखाको उद्घाटन एन आई सी एशिया बैंकका उप–प्रादेशिक कार्यालय काठमाडौँका प्रमुख तेज राज तिमिल्सिनाले गरे ।