काठमाडौं । सूचना प्रविधि र ग्राहकको सेवा विस्तारमा अग्रणी मानिएको एभरेष्ट बैंक सामाजिक उत्तरदायित्वका कार्यक्रममा पनि अग्रणी स्थानमै रहेको छ । एभरेष्ट बैंकमा खाता खोल्ने एनआरएनएलाई विशेष सुविधा दिने भएको छ । एनआरएनएसँग एमओयूमा हस्ताक्षर गर्दै सो सुविधा दिने भएको हो । एभरेष्ट बैंकको प्रधान कार्यालय लाजिम्पाटमा भएको एक समारोहबीच एनआरएनएका प्रमुख कार्यकारी निर्देशक डा. हेमन्तकुमार दवाडी, एभरेष्ट बैंकका प्रमुख कार्यकारी निर्देशक गजेन्द्रकुमार नेगी र एभरेष्ट बैंक तथा एनआरएनएका अन्य उच्च अधिकारीहरुको उपस्थितीमा एमओयूमा हस्ताक्षर भएको हो ।

ईबीएलले एनआरएन बचत खातामा निशुल्क एटिएम, इन्टरनेट÷मोबाइल बैकिंग, ई–स्टेटमेन्ट, एबीबीएस, लकर र क्रेडिट कार्डमा ५० प्रतिशत छुट र विभिन्न कर्जा सुविधाको प्रोसेसिङ शुल्कमा विशेष छुटका साथ उच्च प्रतिफल प्रदान गर्नेछ । एभरेष्ट बैंकको १० लाख बढि ग्राहक रहेका छन् । एभरेष्ट बैंकले हाल आफ्ना ९५ शाखाहरु, ३ एक्सटेन्शन काउन्टर, ३० राजस्व संकलन काउन्टर र १२२ एटिएम तथा बृहत बाह्य सन्जाल मार्फत सेवा प्रदान गर्दै आइरहेको छ ।