अर्थबीमा समाचारदाता

काठमाडौँ । नेपालको सबैभन्दा ठूलो चुक्ता पुँजी भएको नेपाल लाईफ इन्स्योरेन्सले चालु आर्थिक वर्षको पहिलो त्रैमासको वित्तीय प्रतिवेदन सार्वजनिक गर्दै खुद नाफा २० करोड ४४ लाख गरेको देखाएको छ ।
गत वर्ष सोही अवधिमा एनएलआइसीले कमाएको २० करोड ४१ लाखको तुलनामा कम्पनीको नाफामा झिनो सुधार देखिएको हो ।
एनएलआईसीको चुक्ता पुँजी वृद्धि भएको तुलनाममा कम्पनीको नाफामा सामान्य सुधार देखिएको छ जसको कारण प्रतिशेयर आम्दानीमा भने गिरावट देखिएको छ ।
कम्पनीको जगेडा कोषमा २ अर्ब ६४ करोड रहेको छ जसमा २८ प्रतिशतले कमी आएको छ । त्यसैगरी कम्पनीको जीवन बीमा कोषमा भने ३३ प्रतिशतले वृद्धि सहित ७२ अर्ब ३३ करोड पु¥याएको छ ।
नेपालमा नयाँ जीवन बीमा कम्पनीहरुको आगमन भए तापनि पुरानो र ख्यातीप्राप्त कम्पनी भएका कारण खुद बीमा शुल्क आर्जन भने बढेको छ । कम्पनीको खुद बीमा शुल्क आर्जन ४४ प्रतिशतले वढेर सात अर्ब ८१ करोड पुगेको छ । खुद बीमा दावी भुक्तानीमा भने ३६ प्रतिशतले कमी आउँदै एक अर्ब ६७ करोड भएको छ भने त्यसैगरी भुक्तानी हुन् बाँकी दावी एक अर्ब ३० करोड रहेको जनाएको छ ।