काठमाडौं । एभरेष्ट बैंकले आफ्नो २५औं स्थापना दिवसको अवसरमा लाजिम्पाटस्थीत प्रधान कार्यलयमा नर्भिक इन्टरनेशनल अस्पताल र नेपाल रेडक्रस सोसाइटीको सहकार्यमा विभिन्न सामाजिक कार्यहरु सम्पन्न गरेको छ । रजत जयन्ती कार्यक्रममा, बैंकले स्थापनाकालदेखि नै सेवा पुर्याइरहेका कर्मचारीहरुलाई सम्मानित गरेको छ ।
रजत जयन्तीकै अवसरमा रक्तदान, निशुल्क स्वास्थ्य परिक्षण र मुटुरोग विशेषज्ञ डा. यादव भट्टसँग कुराकानी भएको थियो । सो कार्यक्रममा बैंकका बोर्डअफ डाइरेक्टर, प्रमुख कार्यकारी अधिकृत तथा वरिष्ठ अधिकारीहरुको उपस्थीति रहेको थियो ।
१ हजारभन्दा बढि मानिसहरुको उपस्थीति रहेको उक्त कार्यक्रममा करिब १ सय जनाले रक्तदान गरेका थिए । यसबाहेक, सबै प्रदेशमा रहेको बैंकका शाखाहरुमा पनि पुराना ग्राहकहरुलाई सम्मान गर्दै केक काटेर २५ औं वार्षिकोत्सव मनाइएको छ ।