काठमाडौं । लाइफ इन्स्योरेन्स कर्पोरेशन नेपाल (एलआईसी) ले मृत्यु दाबी भुक्तानी अन्तर्गत ६९ लाख रुपैयाँ मृतकका आश्रित परिवारलाई हस्तान्तरण गरेको छ । तनहुँको शुक्लागण्डकी नगरपालिका–४ दुलेगौडाका सुरज लालचनको परिवारले एलआईसी नेपालबाट ६९ लाख ५ हजार रुपैयाँ मृत्यु बीमा दावी भुक्तानी रकम बुझेको हो ।

गत असोज १३ गते हृदयघातबाट मृत्यु भएका ५० बर्षिय लालचनकी श्रीमती पम्फा राम्जाली लालचनलाई कम्पनीले बीमा बापतको रकम हस्तान्तरण गरेको जनाएको हो । मंगलबार एक कार्यक्रमको आयोजना गरी बीमितकी श्रीमतीलाई बीमा रकम बराबरको चेक हस्तान्तरण गरिएको थियो । मृतक लालचनले पाँच बर्ष अघि ५० लाखको जीवन बीमा गराएका थिए ।

बीमा गरेको पाँच वर्ष पुरा भएपछि मृत्यु भएकोले कूल बीमाङ्क रकममा बोनस थप गरी दावी भुक्तानी गरेको हो । एलआईसी नेपाल दमौली शाखाका प्रबन्धक सुदीप ज्ञवाली, सिनियर एजेन्सी मेनेजर गोबिन्द खड्का र नमराज क्षेत्रीको उपस्थिति रहेको थियो ।