काठमाडौं। अस्पतालका बेडहरु दिनदिनै भरिँदै जाँदा र संक्रमितको संख्या बढिरहेको बेला काठमाडौं उपत्यकामा कम्तिमा पनि चार हप्तासम्म लकडाउन गर्न स्वास्थ्य तथा जनसंख्या मन्त्रालयले सुझाव दिएको छ । चिकित्सक तथा जनस्वास्थ्यविद्हरुले पनि कोरोना संक्रमण नियन्त्रण बाहिर गएको भन्दै तत्काल कडा लकडाउन लगाउन आग्रह गरेका थिए । मन्त्रालयले पनि जोखिम हेरेर नै लकडाउन गर्नको लागि सीसीएमसीलाई सुझाव दिएको स्रोतको दाबी छ । तर, सिसिएमसीले यसबारेमा भने कुनै निर्णय भने गरिसकेको छैन् । अब कस्तो कदम चाल्ने भन्नेबारे सिसिएमसीले आजरभोलिभित्रै आफ्नो सुझाव पेश गर्ने भएको छ । सिसिएसमीले मन्त्रिपरिषदलाई आफ्नो सुझाव पेश गर्नेछ । काठमाडौंमा मात्रै नभएर काठमाडौं उपत्यकाबाहिर पनि कोरोना संक्रमण द्रुत गतिमा फैलिएको छ । भारतमा पछिल्लो समय कोरोना संक्रमणको भयावह अवस्था छ । लाखौंको संख्यामा संक्रमित थपिएका छन् । भारतसँग नेपालको खुला सिमाना छ । अहिले पनि आवातजावात भैरहेको छ ।