काठमाडौं । कामना सेवा विकास बैंक लिमिटेडले आर्थिक वर्ष २०८२/८३ को चौथो त्रैमाससम्मको अपरिष्कृत वित्तीय विवरण सार्वजनिक गर्दै खुद नाफामा उल्लेखनीय वृद्धि भएको जनाएको छ।
समीक्षा अवधिमा बैंकले ८९ करोड ४१ लाख रुपैयाँ खुद नाफा आर्जन गरेको छ। अघिल्लो आर्थिक वर्षको सोही अवधिमा ६६ करोड ९७ लाख रुपैयाँ खुद नाफा कमाएको बैंकको नाफा यस वर्ष ३३.५१ प्रतिशतले बढेको हो।
बैंकका अनुसार व्यवसाय विस्तार, ब्याज आम्दानीमा सुधार तथा इम्पेयरमेन्ट चार्ज घटेकाले नाफामा सकारात्मक प्रभाव परेको हो।
समीक्षा अवधिमा बैंकको खुद ब्याज आम्दानी २ अर्ब ३१ करोड रुपैयाँबाट बढेर २ अर्ब ४१ करोड रुपैयाँ पुगेको छ।
त्यस्तै, कुल सञ्चालन आम्दानी पनि वृद्धि हुँदै २ अर्ब ७० करोड रुपैयाँबाट २ अर्ब ८५ करोड रुपैयाँ पुगेको छ।
सञ्चालन नाफामा पनि उल्लेखनीय सुधार देखिएको छ। अघिल्लो वर्ष १ अर्ब ४ करोड रुपैयाँ रहेको सञ्चालन नाफा बढेर १ अर्ब ३८ करोड रुपैयाँ पुगेको छ।
नाफा र सञ्चालन सूचकहरूमा सुधार देखिए पनि बैंकको निष्क्रिय कर्जा (एनपीएल) भने केही बढेको छ।
अघिल्लो आर्थिक वर्षमा ३.४९ प्रतिशत रहेको खराब कर्जा समीक्षा अवधिमा बढेर ३.७७ प्रतिशत पुगेको छ।
बैंकले अर्थतन्त्रमा देखिएको सुस्तता र कर्जा असुलीमा परेको प्रभावका कारण निष्क्रिय कर्जामा सामान्य वृद्धि भएको जनाएको छ।
समग्रमा, नाफा, ब्याज आम्दानी र सञ्चालन नाफामा भएको सुधारले बैंकको वित्तीय प्रदर्शन सुदृढ देखिए पनि बढ्दो खराब कर्जा आगामी दिनमा व्यवस्थापन गर्नुपर्ने प्रमुख चुनौतीका रूपमा देखिएको छ।
