काठमाडौं । नेपालमा अहिलेसम्म कोरोनाको संक्रमण नदेखिए पनि कोरोनाको लक्षणसँग मिज्दोजुल्दो अवस्थामा विरामी अस्पताल पुग्ने र परीक्षणगर्ने क्रम जारी नै छ । अहिलेसम्म एक जना व्यक्तिमा पनि कोरोनाको संक्रमण देखिएको छैन । कोरोना भाइरस संक्रमणको आशंकामा बुधबार ४ जना भर्ना अस्पतालमा भएका छन् । कोरिया, यूएई र कतारबाट आएका ३ जना नेपाली र नेपाल नेपाल आएका एक जना फ्रेन्च नागरिक शुक्रराज ट्रोपिकल तथा सरुवा रोग अस्पतालमा भर्ना भएका हुन् । अस्पतालका प्रवक्ता डा. अनुप बाँस्तोलाले चारै जनामा कोरोनाको परीक्षण बिहिबार गरिने बताए । डा. बाँस्कोटाकाअनुसार तीन जनालाई कोरोनाको लक्षण नेखिए पनि एक जनालाई भने ब्रोङ्‌काइटिस जस्तो देखिएको बताएका छन् । कोरोनाको त्रासले आतंकि बताइहेको बेला यसअघि पनि यस्ता विरामी टेकु अस्पतालको आइसोलेसनमा भर्ना गरिएका थिए । तर कसैमा पनि कोरोनाको संक्रमण भेटिएको छैन । रुघाखोकीमो मौसम भएका कारण पनि यस्ता विरामी थपिने क्रम बढिरहेको अस्पतालले बताएको छ ।