काठमाडौं । कोरोना संक्रमणको अवस्था झन झन जटिल बन्दै गएको छ । पछिल्लो २४ घण्टामा थप २६१८ जनामा कोरोना भाइरस को संक्रमण पुष्टि भएको छ भने १४ जनाले ज्यान गुमाएका छन्। ८ हजार ६६८ नमुनाको पीसीआर टेष्ट गर्दा २४८६ जनाको र सीमा नाकामा गरिएको एन्टिजेन टेष्टमा १३३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै कुल संक्रमितको संख्या २ लाख ९७ हजार ८७ पुगेको छ । हाल देशभर १६ हजार ८२८ संक्रिय संक्रमित छन् । मन्त्रालयका अनुसार कोरोना संक्रमणबाट थप १४ जनाको मृत्यु भएको छ । यससँगै मृतकको संख्या ३१३६ पुगेको छ ।