सहरको बसाइमा धेरैजसो एउटा वा दुइवटा कोठा लिएर बस्नुपर्ने बाध्यता धेरैलाई छ | कोठा भाडामा लगाउन बनेका घरहरुमा एउटा तल्लामा एउटा मात्र ट्वाइलेट हुन्छ | त्यो ट्वाइलेट ५-६ परिवारले सेयर गर्नुपर्ने हुन्छ | अरु कोठामा बस्ने व्यक्तिहरु कहाँ जान्छन ? को को लाई भेट्छन ? को को पाहुना आउछन् ? एकअर्को कोठामा बस्ने व्यक्तिलाई थाहा नहुन सक्छ | पुराना घर तथा भाडा लगाउन बनाएका घरमा ट्वाइलेट भर्यांगमुनी वा अँध्यारो ठाउँमा राख्ने प्रचलन छ | त्यो चिसो, ओसिलो तथा बाल्टिन र मगजस्ता प्लास्टिकका भाँडा, फोहोर फलामका धारा, फलामको चुकुल आदि कोरोना भाइरस धेरै दिन रहनको लागि अनुकुल हुन्छन् | यस्तो ठाउँमा कोहि संक्रमित व्यक्तिले ट्वाइलेट प्रयोग गर्यो भने त्यो तलामा रहेका सबैलाई सर्ने सम्भावना हुन्छ |