एजेन्सी। के को इम्युनिटी पावर, के को रोग प्रतिरोधी क्षमता स्टार फुटबलर क्रिष्ट्रियानो रोनाल्डोलाई समेत कोरोना संक्रमण भएको छ ।पोर्चुगल फुटबल फेडेरेशनले मंगलबार विज्ञप्ति जारी गर्दै यसको जानकारी दिएको हो। रोनाल्डोको स्वास्थ्य अवस्था ठिक रहेको र उनमा कुनै लक्षण नदेखिएको विज्ञप्तिमा जनाइएको छ । फेडेरेशनका अनुसार रोनाल्डो अहिले आइशोलेसनमा छन्।
गत साताको आइतबार उनले पोर्चुगलबाट फ्रान्सविरुद्ध नेशन्स लिग म्याच खेलेका थिए । त्यस्तै, गत शुक्रबार स्पेनविरुद्धको मैत्रिपूर्ण खेलमा पनि उनी सहभागी थिए।