काठमाडौं । मुलुक लकडाउनका कारण ठप्प भए पनि सिंहदरबारको चलखेल भने ठप्प भएको छैन । गृह मन्त्रालयले एकै पटक झण्डै चार दर्जन सिडिओहरुको सरुवा गरेको छ । ४४ जना प्रमुख जिल्ला अधिकारी सिडिओहरुको सरुवा गरेको हो । जेठ १८ गतेको मन्त्रिपरिषद्को निर्णयबमोजिम सोमबार मन्त्रालयलगायत विभिन्न कार्यालयमा कार्यरत प्रमुख जिल्ला अधिकारी तथा सहायक प्रमुख जिल्ला अधिकारीहरुको सरुवा, काज तथा पदस्थापना गरिएको हो । यसरी सरुवा तथा पदस्थापना गरेको हो । यति धेरै सरुवा हुँदा पनि आधिकारिक ट्रेड युनियनका पूर्व अध्यक्ष पुण्य ढकालको गृहमै पदस्थापना गरिएको छ । काठमाडौँ जिल्लाको सहायक सिडिओ रहेका जीवन आचार्य फूल सिडियो बनेर सङ्खुवासभा गएका छन् भने पाल्पाका सिडिओ यादव सुवेदी गृहमा आएका छन् ।
मन्त्रालयका हिरालाल रेग्मीलाई सुर्खेत, चन्द्र गैरेलाई कालिकोट, भीम भट्टराईलाई डोटी, लीलाधर अधिकारी बर्दिया, शरद पोखरेल दार्चुला, कृष्ण पौडेलओखलढुंगा, जीवन आचार्य संखुवासभा, नरेन्द्र राना रोल्पा, चिरञ्जीवी गिरी हुम्ला, कमलराज भण्डारी बझाङ पुगेका छन् ।