काठमाडौं। घरजग्गा कारोबार बढ्न नसकेको सरकारी तथ्यांकले देखाएको छ। कात्तिकको अन्तिममा सरकारले कित्ताकाट खोलेपछि केही बढेको घरजग्गा कारोबार स्थिर देखिएको हो। भूमि व्यवस्थापन तथा अभिलेख विभागका अनुसार माघमा ५० हजार ८३७ लिखत पारित भएको छ। कात्तिकमा २८ हजार २८२ लिखत पारित भएकामा त्यही महिनाको अन्तिममा सरकारले कित्ताकाल खुलाएपछि मंसिरमा ५१ हजार ६३२ र पुसमा ५१ हजार ८८८ लिखत पारित भएको थियो। पोहोर माघको तुलनामा भने यसपालि माघको लिखत पारित संख्या केही बढी हो। पोहोर माघमा ४६ हजार ६९ लिखत पारित भएको तथ्यांक छ।
यसपालि माघमा घरजग्गा कारोबारबाट ५ अर्ब ९ लाख २४ हजार रुपैयाँ राजस्व संकलन भएको छ। पुसमा ५ अर्ब १७ करोड ३२ लाख रुपैयाँ राजस्व संकलन भएको थियो। पोहोर माघमा भने ३ अर्ब ८७ करोड २४ लाख रुपैयाँ मात्र संकलन भएको तथ्यांक छ।