काठमाडौं । बीपी कोइराला स्वास्थ्य विज्ञान प्रतिष्ठानमा कार्यरत चिकित्सकहरुको उमेरहद ६१ वर्ष भए पनि डा. प्रल्हाद कार्कीलाई सर्वोच्च अदालतले बढाई दिएको छ । केही महिना अगाडि बसेको सिनेट बैठकले चिकित्सकहरुको उमेरहद ६१ बाट ६५ बनाउने निर्णय गरेपछि त्यसका विरुद्ध कर्मचारीहरु सर्वोच्च गएका थिए । चिकित्सकहरुको उमेरहद बढ्दा कर्मचारीको पनि बढ्नुपर्छ भन्ने जिकिर उनीहरुको थियो । तर सर्वोच्चमा उक्त मुद्दा विचाराधिन रहेको अवस्थामा डा. कार्कीलाई अदालतले सिनेटको उक्त निर्णयमै टेकेर निजलाई अवकाश दिने निर्णय कार्यान्वयन नगर्न आदेश दिएको बताइएको छ । डा. कार्कीको उमेरहद ६१ पुगेको भन्दै प्रतिष्ठानले अवकाश दिएको थियो । उक्त अवकासको निर्णयविरुद्ध डा. कार्की अदालत गएका थिए ।