काठमाडौं । जनता बैंक नेपाल र ग्लोबल आइएमई बैंक एक आपसमा मर्जर हुने भएपछि दुवै बैंकका कार्ड दुवै बैंकका एटिएममा प्रयोग गर्दा अतिरिक्त शुल्न नलाग्ने भएको छ । मर्जर सम्बन्धि प्रस्ताब २०७६ मंसिर २ गते सम्पन्न दुबै बैंकको साधारण सभाबाट पारित भइसकेको छ । मर्जर पश्चात ग्लोबल आईएमइ बैक लिमिटेडको नामबाट एकिकृत कारोवारका लागि अन्तिम तयारी भईरहेको छ । मर्जर प्रक्रियालाई मध्यनजर गर्दै ग्राहकहरुको सुविधाका लागि यीदुबै बैंकहरुबाट जारी गरिएका कार्डहरु यीदुबै बैंकहरुका कुनै पनि एटीएममा चलाउँदा कुनै शुल्क नलाग्ने बैंकले जनाएको छ ।
मर्जर पश्चात बन्ने ग्लोबल आईएमइ बैक लिमिटेड मुलुकको ७ वटै प्रदेश तथा ७७ वटै जिल्लामा उपस्थित हुनेगरी तयारी भरहेकोछ । करिव ३ सय भन्दा बढी शाखा सञ्जाल, ३२ सय कर्मचारी, २० लाख ग्राहक संख्या सहितको बैक बन्नेछ । मर्जरपश्चात बन्ने ग्लोबल आइएमई बैंक चुक्ता पूँजी करिव १९ अर्ब, निक्षेप रु. २ खर्ब १३ अर्ब, कर्जा रु. १ खर्ब, ९४ अर्ब भएको सवल र सक्षम बैक बन्ने विश्वास बैंकले गरेको छ ।