टोकियो । जापानमा कोरोना भाईरस संक्रमणको तर उच्च रहेको छ । अहिलेसम्म संक्रमितको संख्या बढेर १२ सय २९ पुगेको छ भने १६ जनाले ज्यान गुमाएका छन् यसैगरी ६१ जना चिन्ताजनक अवस्थामा रहेका छन् ।
सोमबार २८ जना संक्रमित थपिएपछि संक्रमितहरुको संख्या बढेको हो । मंगलबार बिहान ८ बजेसम्ममा भाईरसबाट संक्रमित १६ जनाले ज्यान गुमाउँदा ६१ जनाको अवस्था चिन्ताजनक रहेको बताइएको छ । संक्रमित मध्ये ७ सय ११ जना डाईमण्ड प्रिन्सेस पानी जहाँजका यात्री हुन् । तर यस मध्ये ७ जनाले ज्यान गुमाईसकेका छन् । यसैगरि चिनको हुवेई प्रान्तबाट बिमान चार्टर गरि ल्याईएका जापानी मध्ये १४ जनालाई कोरोना संक्रमण भएको छ । ६१ जना उपचाररत संक्रमितको अवस्था गम्भिर रहेको र स्वास्थयमा सुधार हुन नसकेको अधिकारीहरुले बताएका छन् । कोरोना भाईरसको संक्रमण भएका ३ सय ११ जनामा स्वास्थ्य सुधारोन्मुक रहेको र ५७ जना उपचारपछि स्वास्थ्यलाभ गरेर अस्पतालबाट डिस्चार्ज भएका छन् ।