काठमाडौं । प्रभु इन्स्योरेन्स कम्पनीले वार्षिक साधारण सभा बोलाएको छ । कम्पनी सञ्चालक समितको बुधबार बसेको बैठकले जेठ ६ गते बिहान ११ बजे २५ औं बार्षिक साधारण सभा बोलाएको हो । साधारण सभामा शेयरधनीहरुले भच्र्युअल माध्यमबाट पनि साहभागि हुन सक्नेछन् । सभाले १० प्रतिशत अर्थात १० करोड ६५ लाख २७ हजार रुपैयाँ बराबरको बोनस शेयर र कर प्रयोजनको लागि ०।५३ प्रतिशतले हुन आउने ५५ लाख ५९ हजार रुपैयाँ नगद लाभांश वितरण गर्ने प्रस्ताव पारित गर्नेछ । बोनस शेयर पश्चात कम्पनीको पूँजी बृद्धि हुने हुँदा कम्पनीको प्रबन्धपत्र तथा नियमावली संशोधन गरी जारी पूँजी तथा चुक्ता पूँजी बृद्धि गर्नेछ । यस्तै कम्पनीको प्रबन्धक पत्रमा सामुहिक लगानी कोष योजना गर्ने गराउने उदेश्य पनि थप गर्नेछ । साधारण सभा तथा लाभांश प्रयोजनको लागि कम्पनीले बैशाख २६ गते देखि बुक क्लोज गर्ने जनाएको छ । त्यस अनुसार बैशाख २३ गते सम्म कायम शेयरधनीले मात्रै कम्पनीको लाभांश पाउनेछ ।