टोकियो । टोकियोको ओता वार्डको नाखारोकुगोस्थित तान्सेन भ्यु नामक ईन्डियन नेपाली रेस्टुरेन्टमा २ जना भारतिय जस्ता देखिने नागरिक व्यक्ति मृत फेला परेका छन् ।
अन्दाजी ४० वर्षका जस्ता देखिने उनीहरु रेस्टुरेन्टभित्र मृत भेटिएका हुन् । पसल नजिकैको स्थानिय एक महिलाले पसल भित्र मानिस ढलिरहेको आशंका सहित प्रहरीलाई खबर गरेपछि, प्रहरी घटना स्थालमा पुगेको थियो । प्रहरी घटना स्थलमा पुग्दा दुबै जना मृतअवस्थामा रहेका थिए ।
प्रहरीका अनुसार, कोठामा कार्बनमोनो अक्साईडको मात्र अधिक रहेको थियो । नान बनाउने चुल्होमा पनि आगो बलिरहेको थियो । यी सबै दृश्यहरुको प्रारम्भिक अनुसन्धान अनुसार, उनिहरु निस्सासिएर मरेको हुनसक्ने आशंक्का गरिएकोछ । घटनाबारे प्रहरीले थप अनुसन्धान गरिरहेको छ ।