काठमाडौं । सुनको मूल्य आज प्रतितोला १ हजार ३ सय रुपैयाँ सस्तो भएको छ। नेपाल सुनचाँदी व्यवसायी महासंघका अनुसार आज छापावाल सुन १ लाख १९ हजार ५ सय र तेजाबी सुन १ लाख १८ हजार ९ सय ५० रुपैयाँमा कारोबार भएको हो। त्यस्तै चाँदी पनि आज ३० रुपैयाँ सस्तो भएको छ। महासंघका अनुसार चाँदी तोलाको १ हजार ४ सय २० रुपैयाँमा कारोबार भएको छ। यता अन्तर्राष्ट्रिय बजारमा भने सुन प्रतिऔँस २ हजार ४३ अमेरिकी डलर हाराहारीमा कारोबार भइरहेको छ।