काठमाडौं । महालक्ष्मी विकास बैंक सातदोबाटोमा थोरै सुन धितोमा राखी धेरै ऋण प्रवाह भएको उजुरीपछि प्रहरी कारवाही शुरु भएको छ ।
नेपाल प्रहरीको केन्द्रीय अनुसन्धान ब्युरो (सिआइबी)मा परेको उजुरीका आधारमा बिहीबार तीन आरोपी नियन्त्रणमा लिइएको सिआइबी स्रोतले जनायो । ब्युरोका एसपी उमाप्रसाद चतुर्वेदीको टोलीले ती व्यक्ति पक्राउ गरेको हो ।
अनुसन्धान जारी रहेको र अन्य अभियुक्त पक्राउ पर्न बाँकी भएका कारण सिआइबीले यसबारे समाचार सार्वजनिक गरेको छैन । ब्युरोका प्रवक्ता एसपी बेलप्रसाद पाण्डेले बैंकका कर्मचारीको समेत मिलेमतो भएको हुनसक्ने बताएका छन् ।
