काठमाडौं। माछापुच्छ्रे बैंकले दशैं लगत्तै २१औ वार्षिक साधारणसभा बोलाएको छ । बैंकले असोज २४ गते साधारणसभा बोलाएको हो। साधारणभामा गत वर्षको नाफाबाट ११ प्रतिशत नगद लाभांस र ५ प्रतिशत बोनस शेयर पारित गर्ने भएको छ।
सभाले गत आर्थिक वर्षको वित्तीय विवरण पारित गर्नुका साथै हाल बहाल वाल लेखापरिक्षक जिपी राजवहाक एण्ड कम्पनीलाई नै निरन्तरता दिने बैंकले जनाएको छ। बैंकले मर्जरका लागि आवश्यक प्रकृया अगाडि बढाउने अख्तियारी सञ्चालक समितिलाई दिने विशेष प्रस्ताव सधारणसभामा लैजाने भएको हो।
बैंकको हालको चुक्ता पूँजी ८ अर्ब ५ करोड रुपैयाँ छ। बोनस शेयर पछि चुक्ता पूँजी ८ अर्ब ५४ करोड रुपैयाँ पुग्नेछ। गत आर्थिक वर्षमा बैंकले एक अर्ब ६९ करोड रुपैयाँ नाफा गरेको थियो। बोनस शेयर र नगद लाभांस सहित जम्मा एक अर्ब २८ करोड रुपैयाँ वितरण गर्नेछ।