एजेन्सी । १७ जना किशोर तथा बालकहरूलाई यौन शोषण गरेको आरोप लागेकी एक इन्डोनेसियाली महिलाले आफूलाई बलात्कारको शिकार भएको देखाउनका लागि नक्कली वीर्य प्रयोग गरेको पाइएको छ । स्थानीय न्युज आउटलेट कोकोनट्सका अनुसार २५ वर्षीया युआनिता सारी अङ्ग्रेनीले आफ्नो प्लेस्टेशन भाडाको कारोबार मार्फत ८ देखि १५ वर्ष उमेरका बालकहरूलाई आफ्नो घरमा ल्याइन् र त्यसपछि उनीहरूसँग यौन क्रियाकलापमा संलग्न भएकी थिइन् । प्रहरीका अनुसार युआनिताले पछि दावी गरेकी थिइन् कि ती १७ जनामध्ये आठ जना केटाले उनलाई बलात्कार गरेका थिए। आउटलेटले रिपोर्ट गरेको छ कि उनले पुलिसलाई चिथोरिएका घाउहरू पनि देखाइन् र केटाहरूले उनलाई बलात्कार गरेको कारण घाउ भएको बताइन् ।
उनले पुलिसलाई वीर्यको नमूना पनि दिएकी थिइन् र यो वीर्य तिनै केटाहरूको भएको बताइन्। यद्यपि, प्रहरीले एक विज्ञप्ति जारी गर्दै विज्ञलाई उद्धृत गर्दै यो वीर्य पनि नभएको बताएको छ। “ृयुआनितो बाट संकलन गरिएको वीर्यको नमूना ृकेटाहरूकोे वीर्य थिएन। यो अर्को तरल पदार्थ थियो, जसलाई एक विशेषज्ञ साक्षी ृनमूनाको विश्लेषण गर्ने द्वारा पुष्टि भयो,” जाम्बीका प्रहरी प्रमुख इको वाहुदीले भने । युआनिताको शरिरमा लागेको चोट आफैले लगाएको प्रहरीले जनाएको छ ।

युआनिताका पतिले उनको गिरफ्तारी पछि उनको बारेमा लागेका आरोप स्वीकार गरे। उनले भने कि युआनिताले यदि उनले उनको सेक्स अस्वीकार गरे भने उनीहरूको सानो बच्चालाई “काट्ने” धम्की दिएकी थिइन् । अघिल्लो रिपोर्टहरूले भनेका थिए कि १२ र १४ वर्षका दुईजना केटाहरूलाई युआनिताले सेक्स गर्न बाध्य पारेकी थिइन् । यसका लागि उनले पहिले ती २ जना केटाहरूलाई सेल फोनमा पोर्न फिल्म हेर्न बाध्य पारेकी थिइन् । केटाहरूलाई यौन सम्बन्धको लागि उक्साउन यसो गरिएको थियो । युनितालाई गत महिना यौन दुर्व्यवहारको आरोपमा पक्राउ गरिएको थियो । कोकोनट्सले रिपोर्ट गरेको छ कि इन्डोनेसियामा बाल यौन दुर्व्यवहारको एक आरोप पुष्टी भएमा १५ वर्षसम्म कैद सजाय हुन्छ।