काठमाडौँ । नागरिक लगानीकोषको खुद नाफामा १४ प्रतिशतभन्दा बढीको सुधार देखिएको भए तापनि चुक्ता पुँजी बढेका कारण प्रतिसेयर आम्दानीमा भने कमी आएको छ ।
सीआईटीले सार्वजनिक गरेको चालु आर्थिक बर्षको पहिलो तीन महिनाको प्रतिवेदनमा खुद नाफा १२ करोड ११ लाख देखाएको छ । तर आर्थिक वर्ष २०७४–७५ बाट २२ प्रतिशत बोनस वितरण गरि चुक्ता पुँजी बढाएको कारण प्रतिशेयर आम्दानीमा भने तीन रुपियाँको गिरावट सहित ४४ रुपियाँ कायम भएको छ ।
सीआईटीलेको चुक्ता पुँजी एक अर्ब १० करोड २३ लाख रुपियाँ रहेको छ भने जगेडा कोषमा चार अर्ब ६७ करोड ८८ लाख रुपियाँ सञ्चित रहेको देखाइएको छ ।
सीआईटीको प्रतिशेयर नेटवर्थ २१२ रुपियाँ रहेको छ भने कोषको खुद कोष मौज्दातमा एक खर्ब २८ अर्ब १४ करोड ९३ लाख रुपियाँ रहेको छ ।