काठमाडौं । सत्तारूढ नेपाल कम्युनिष्ट पार्टीभित्रको गुटबन्दी र भद्रगोलले आम नागरिकलाई मात्रै सताएको छैन । सोही पार्टीका अध्यक्ष पुष्पकमल दाहाल ‘प्रचण्ड’ आजित भएका छन् । अध्यक्ष प्रचण्डले अहिलेको भद्रगोलकै अवस्था रहिरहे पार्टी विघटन हुन सक्ने चेतावनी दिएका छन्। प्रधानमन्त्री निवास बालुवाटारमा बुधबारदेखि सुरू भएको स्थायी कमिटी बैठकमा बोल्दै अध्यक्ष प्रचण्डले पार्टी गुटबन्दी र व्यक्तिवादमा चलेको बताउँदै पार्टी एकता गरेर गल्ती त भएको थिएन भन्ने सोचाइ आउन थालेको समेत बताएका छनु । प्रचण्डले दुई तिहाइको सरकार छ भनेर सरकारमा बस्नेहरूमा घमण्ड बढेकोसमेत बताए। सरकारको कामबाट जनता खुसी नभएको भन्दै प्रचण्डले पार्टीको काम पनि सही ढंगले अगाडि बढ्न नसकेको बताए। २०७५ जेठ २ गते प्रधानमन्त्रीमा आलोपालो गर्ने गरी भएको सहमतिबाट पछि हटेर गल्ती भएको संकेतसमेत प्रचण्डले गरेका थिए।