काठमाडौं । स्वदेशमै गुस्तरीय स्वास्थ्य सेवा प्रदान गर्दै आएको नेपाल क्यान्सर अस्पताल तथा रिसर्च सेन्टरसँग महालक्ष्मी विकास बैंकले सम्झैता गरेको छ । बैंकका प्रमुख कार्यकारी अधिकृत कृष्णराज लामिछाने र अस्पतालका कार्यकारी अध्यक्ष डा. सुदीप क्षेष्ठले सम्झौता पत्रमा हस्ताक्षर गरेका हुन् ।
सम्झौता पत्र अनुसार बैंकका ग्राहक, कर्मचारी, कर्मचारीका परिवारलगायत बैंकका स्थापक शेयरधनीहरुले नेपाल क्यान्सर अस्पतालमा उपचार गराउँदा सेवा शुल्कमा छुट पाउने छन् ।
यस्तै बैंकका डेबिट कार्ड प्रयोग गर्ने ग्राहक, कर्मचारी र कर्मचारीका परिवारले रेडियोलाजी, ल्यावरेटरी र बेड चार्जमा १० प्रतिशत रेडियसन थेरापी र बीच थेरापीमा ५ प्रतिशत तथा क्यान्स स्किनिङ प्याकेजमा १० प्रतिशत छुट पाउने छ ।