काठमाडौं । निजगढ बारा निवासी राज श्रेष्ठकी श्रीमती सुनिता श्रेष्ठलाई मृत्यु दाबी भुक्तानीबापत नेशनल लाइफ इन्स्योरेन्स कम्पनीले मृत्यु दाबी भुक्तानी अन्तर्गतको पहिलो हिस्सा रु ३ लाखको चेक हस्तान्तरण गरेको छ । केही महिना अगाडि मात्र नेशनल लाईफ इन्स्योरेन्स कम्पनीमा आफ्नी छोरी रियाना श्रेष्ठको आफू प्रस्ताबक बसी रु. ३ लाखको बाल अमृत बीमा योजना अन्तर्गत बीमा गरेका थिए । राज श्रेष्ठको सवारी दुर्घटनामा परी असामयिक निधन भएपछि उनकी धर्मपत्नी सुनिता श्रेष्ठलाई बीमा दाबी भुक्तानी वापतको रु.३ लाखको चेक कम्पनीका प्रतिनिधि जनकबहादुर श्रेष्ठ हस्तान्तरण गरेका हुन् । बाल अमृत बीमा योजनाअनुसार मृतककी छोरी रीयाना श्रेष्ठले बीमा समाप्ति अघि ३ लाखको २५÷२५ प्रतिशत र बीमा समाप्तिमा ५० प्रतिशत गरी पूरा ३ लाख र पूरै अवधिको बोनस पनि पाउने छिन् ।