काठमाडौं । नेशनल लाईफ इन्स्योरेन्सको ३१ औं वार्षिक साधारण सभाले आर्थिक वर्ष २०७४–०७५ को लागि सञ्चालक समितिले प्रस्ताव गरेको चुक्ता पूँजीको २.५ प्रतिशत बोनस शेयर र १२ प्रतिशतका दरले नगद लाभांश गरि १४.५० प्रतिशत लाभांश अनुमोदन गरेको छ।
कम्पनी अध्यक्ष श्रीमती प्रेमा सिंहको अध्यक्षतमा सम्पन्न सभाले ७ लाख ५१ हजार ८६० कित्ता बोनस शेयर र बोनस शेयर वापतको कर प्रयोजनको लागि ३९ लाख ५७ हजार १५८ रुपैयाँ नगद लाभांश प्रस्ताव पारित गरेको हो।
बोनस पश्चात कम्पनीको चुक्ता पूँजी ३ अर्ब ८ करोड २६ लाख २६ हजार ५४८ रुपैयाँ पुग्नेछ । सभाले शेयर संरचना समेत परिवर्तन गर्दै संस्थापक शेयरधनी समूहको ५१ प्रतिशत र सर्वसाधारणको ४९ प्रतिशत शेयर हिस्सा कायम गरेको छ।
साधारण सभामाले सबै बीमालेखमा दुई बिन्दुले बोनस दर बढाइएको छ । यसबाट ब्यवसायमा सकारात्मक प्रभाव पार्ने विश्वास कम्पनीले लिएको छ । आर्थिक वर्ष २०७४–०७५ मा कम्पनीले कूल ६ अर्ब ४४ करोड ७६ लाख बीमाशुल्क संकलन तथा २ अर्ब ५ करोड कूल दाबी भुक्तानी गरेर कम्पनीले ४७ करोडको खुद मुनाफा आर्जन गरेको छ ।