काठमाडौं । नेपाल लाइफ इन्स्योरेन्स कम्पनी लिमिटेडले भोजन तथा पानी शिविर सञ्चालन गरेको छ । कम्पनीले शिवरात्रीको अवसरमा पशुपतिनाथ मन्दिर परिसरमा स्टल सञ्चालन गरी भक्तजनलाई खाना तथा पानी वितरण गरिरहेको छ । नेपाल लाइफ इन्स्योरेन्सले अघिल्ला वर्षहरुमा पनि सो कार्य गर्दै आएको छ । स्टलमा कम्पनीका प्रमुख कार्यकारी अधिकृत प्रविण रमण पराजुली लगायतका कर्मचारीहरुले भक्तजनहरुलाई खाना तथा पानी वितरण गरिरहेका छन् । भारत लगायतका छिमेकी देशबाट महाशिवरात्रीको अवसरमा लाखौं मानिस दर्शनको लागि आउने गर्छन् । हजारौं साधु, सन्तहरुले नेपाल लाइफ इन्स्योरेन्सको शिविरबाट खाना तथा अन्य सेवा प्राप्त गरेका छन् ।