काठमाडौं । प्रिमियर इन्स्योरेन्सले आफ्नो २६औं वार्षिक साधारण सभा बोलाएको छ । जेठ २९ गते बसेको सञ्चालक समितिको २८३औं बैठकले असार १९ गते बिहान ११ बजे साधारण सभा गर्ने निर्णय गरेको हो। सभाले सञ्चालक समितिको आर्थिक वर्ष २०७५/७६ को नाफा, नोक्सान हिसाब, वासलात सहितको वार्षिक प्रतिवेदन पारित गर्ने र आर्थिक वर्ष २०७६/७७ का लागि लेखापरीक्षक नियुक्ति तथा पारिश्रमिक निर्धारण गर्ने प्रस्ताव पारित गर्नेछ। यस्तै, सभामा सर्वसाधारण शेयरधनीकोतर्फबाट २ जना सञ्चालकको निर्वाचन समेत गरिनेछ। साधारण सभा प्रयोजनका लागि इन्स्योरेन्सले असार ४ गतेदेखि बुकक्लोज गर्ने जनाएको छ। यसअनुसार असार ३ गतेसम्म कायम शेयरधनीहरु साधारण सभामा सहभागी हुन पाउनेछन्।