धादिङ । लकडाउनकै बीचमा एक शिक्षिकले देहत्याग गरेकी छिन् । धादिङ जिल्लाको उत्तरी भेगमा अवस्थित रुवीभ्याली गाउँपालिका स्थित दोङदेङ माध्यमिक विद्यालयकी शिक्षिका चाँदनी तामाङले आत्महत्या गरेकी हुन् । ३० वर्षीया शिक्षिका तामाङले धादिङबेसी सदरमुकाम स्थित निर्माणाधिन घरमै पासो लगाइ आत्महत्या गरेको प्रहरीले जनाएको छ । श्रीमान् विजय तामाङले विगत ४ वर्षदेखि मलेसियामा रहेर पठाएको रकमले नीलकण्ठ नगरपालिका–४ स्थित अल्छीडाँडामा घर निर्माण गर्न उनी सदरमुकाममै रहेको बेला यस्तो घटना भएको हो । आत्महत्याको कारण खुल्न नसके पनि आत्महत्या गर्नु पूर्व लेखेको पत्रमा छोरालाई राम्रोसँग लालनपालन गरी दिन आफन्तजनहरुसँग आग्रह गरेको जिल्ला प्रहरी प्रवक्ता रुपक खड्काले बताए । उनको शव पोष्टमार्टमपछि प्रहरीले आफन्तको जिम्मा लगाएको छ ।