वीरगञ्ज । पर्सा जिल्लाको कालिकामाई गाउँपालिका–३ हरिहरपुरबिर्तामा बालिका बलात्कारको आरोप लागेका एक युवकलाई स्थानीय गाउँलेले भकुरेका छन् । बलात्कार आरोपी युवक र उनीमाथि कुटपिट गर्ने ४ जना गरी पाँच जनालाई पक्राउ गरेको छ । स्थानीय २२ बर्षीय दीपेन्द्र चौरसियालाई १४ बर्षीया बालिका बलात्कार गरेको आरोप लगाउँदै चौरसियामाथि कुटपिट भएको थियो । चौरसियालाई कुटपीट गरेका आरोपमा ईम्तियाज मिया, तैयब मिया, नौसाद मिया र मुस्तकिम मियाँ पक्राउ परेका छन् । बालिकाको स्वास्थ्य परीक्षण र चौरसियाको घाउँजाँच परीक्षण लगायतका प्रारम्भिक अनुसन्धानको काम प्रहरीले गरिरहेको छ ।