काठमाडौं । बीमा व्यवसायको नियामक निकाय बीमा समितिको बिज्ञ सञ्चालकको रुपमा कपिलदेव ओलीलाई पुनः नियुक्त गरिएको छ । अर्थमन्त्रालयले एक पत्र पठाउँदै मन्त्रीस्तरीय निर्णयबाट अधिवक्ता ओलीलाई बिज्ञ सञ्चालकको रुपमा पुनः आगामी चार वर्षको लागि नियुक्त गरेको जनाएको हो । उनी ओली एण्ड एशोसिएट्स ल फर्ममा आबद्ध छन् ।

यसअघि पनि चार वर्षसम्म बिज्ञ सञ्चालक रहेका ओलीको पदावधी गत चैत्र ४ गते सकिएको थियो । बीमा समितिको बिज्ञ सञ्चालक पद त्यस यता रिक्त रहँदै आएकोमा पुनः ओलीलाई नियुक्त गर्ने अर्थमन्त्रालयले निर्णय गरेको हो । बिज्ञ सञ्चालकमा नियुक्त ओलीले नेपाल ल क्याम्पसबाट स्नातक र पूर्वाञ्चल विश्व विद्यालयबाट एमपिए गरेका छन् ।