काठमाडौं । बीमा अभिकर्ता (एजेन्ट) र सर्भेयरले तीन वर्षसम्म लाइसेन्स नवीकरण गर्नु नपर्ने भएको छ । नेपाल बीमा प्राधिकरणले नयाँ लाइसेन्स लिएका बीमा एजेन्ट र सर्भेयरले तीन वर्षसम्म नवीकरण गर्नु नपर्ने बताएको हो । बीमा ऐन, २०७९ लागू भएसँगै प्राधिकरणले उक्त व्यवस्था लागू गरेको हो । प्राधिकरणका अनुसार गत कार्त्तिक २२ गते पछि जारी भएका लाइसेन्सहरु जारी भएको मितिले तीन वर्षसम्म नवीकरण गर्नु पर्दैन । नयाँ लाइसेन्सहरुको अवधि तीन वर्षसम्म हुने भएकोले अब वार्षिक रुपमा नवीकरण गर्न नपर्ने भएको हो । हाल प्राधिकरणले एजेन्ट तथा अभिकर्तालाई सहज बनाउन गत चैत ६ गतेदेखि अनलाइन माध्यमबाट नवीकरण गर्ने व्यवस्था मिलाएको हो ।