काठमाडौं । बीमा समितिका अध्यक्ष चिरञ्जीवी चापागाईले बैंकको ब्याजकै भरमा मात्रै बीमा कम्पनीले अधिक मुनाफा दिन नसकिने भन्दै लगानी विविधिकरण गर्न आग्रह गरेका हुन् । सबै बीमा कम्पनीहरुलाई पूर्वाधारलगायतका क्षेत्रमा लगानी गर्न अध्यक्ष चापागाईँले आग्रह गरेका हुन् ।
काठमाडौंमा सुरु भएको बैंकिङ् एक्स्पोमा आयोजित छलफल कार्यक्रममा समितिका अध्यक्ष चापागाँईले तत्काल बीमा कम्पनीले पूर्वधारमा लगानी गनुपर्ने बेला आएको बताएका हुन् । बीमा समितिले लगानी निर्देशिका जारी गरेको र त्यसमा बीमा कम्पनीले बैंकको ऋणपत्रमा लगानी गर्नसक्ने व्यवस्था गरेको पनि जानकारी गराए । बीमा कम्पनीहरुको कारोबारमा समेत वृद्धि हुदै गईरहेको अध्यक्ष चापागाईले बताए ।
अहिले बीमा कम्पनीहरुले बैंकमा पैसा राख्ने गरेको र त्यो पैसा अन्य प्राथमिकता प्राप्त क्षेत्रमा लगानी नगरेको खण्डमा बीमा कम्पनीहरु नै फ्लप हुने धारणा राखे । अध्यक्ष चापागाईले बीमाको पहुँच २६ प्रतिशतमा पुगेको उल्लेख गर्दै केही बीमा कम्पनीहरुले अप्ठेरो अवस्थाको सामना गर्नुपर्ने अवस्था आउन सक्ने बताए । अध्यक्ष चापागाईले सरल मर्जरको नीति अघि सारेको उल्लेख गर्दै साईबर बीमाको क्षेत्रमा पनि बीमा बजार विस्तार गर्नुपर्नेमा जोड दिए ।
