काठमाडौं । स्थानीय तहको चुनाव नजिकिँदै गर्दा चुनावी प्रचारका गीत संगीत बजारमा आउनेक्रम बढेको छ । कुनै दल विशेषलाई सहयोग गर्ने हिसावले आउने यस्ता गीत संगीतको यतिबेला बाढी नै लागेको छ । यही सिलसिलामा गायक तथा संगीतकार चेतन सापकोटाले आफ्नै शब्द, संगीत र स्वरमा माओवादी जनयुद्धले दिलाएको संघीयता, गणतन्त्र, समावेशीता र सामाजिक न्यायको पक्षलाई गीतमा वर्णन गरिएको छ । मुलुकको व्यवस्था परिवर्तन गर्न सफल माओवादी आन्दोलनलाई अवस्था परिवर्तका लागि आवश्यक रहेको बताइएको छ । गीतमा कलाकाररु सुभाष गजुरेल, रामचन्द्र अधिकारी, कृष्ण ढुंगाना, रामेश्वर बुर्लाकोटी, रश्मी भट्टलगायतको अभिनय देख्न सकिन्छ भने कथा÷निर्देशन उदय सुब्बाको रहेको छ ।