काठमाडौं । मुक्तिनाथ विकास बैंकले “मुक्तिनाथ ग्राहक विशेष लाभ योजना” सार्वजनिक गरेको छ ।
बैंकले सार्वजनिक गरेको यस योजनामा अधिकांश कर्जा शीर्षकमा सीमित अवधिका लागि विभिन्न आकर्षक सेवा तथा सुविधाहरु प्रदान गरिएको छ ।
न्युनतम ब्याजदर, ४८ कार्य घण्टा भित्र कर्जा स्वीकृती गरिने, नियमित किस्ता तिरेमा तिरेको ब्याजमा १० प्रतिशत छुट, एक वर्षसम्म कर्जा स्वीकृत हुँदा कायम ब्याजदर परिवर्तन नहुने व्यवस्था गरिएको बैंकले जनाएको छ ।
यस्तै कर्जा सेवा शुल्क अधिकतम १ प्रतिशत, विना सुरक्षण शुल्कमा लकर सुविधा समेत रहेको बैंकले जनाएको छ ।
यसका साथै, बैंकबाट कर्जा लिएका ग्राहकहरुले २०७७ असार मसान्तको कर्जाको तिर्न बाँकी सांवा र ब्याज यही २०७७ श्रावण मसान्तसम्ममा चुक्ता गरेमा कर्जाको ब्याजदरमा २ प्रतिशत सम्मको छुट प्रदान गर्ने व्यबस्था समेत बैंकले गरेको छ ।
