काठमाडौं । नेपाल मेडिकल काउन्सिलको अध्यक्षमा डा चोपलाल भुसाल नियुक्त भएका छन्। मन्त्रिपरिषदको गत १३ गतेको बैठकले डा भुसाललाई ४ वर्षे कार्यकालका लागि अध्यक्षमा नियुक्त गरेको हो। उनले पत्रसमेत बुझिसकेका छन्। यसअघिका काउन्सिलका अध्यक्ष डा भगवान कोइरालाको कार्यकाल सकिएपछि भुसाललाई अध्यक्षमा नियुक्त गरिएको हो। नाक कान घाँटी रोगका विशेषज्ञ समेत रहेका डा भुसाललाई यसअघि सरकारले नेपालका लागि बंगलादेशको राजदूत बनाएको थियो।