काठमाडौं । काठमाडौं बासीको सपना बनेको मेलम्ची आउन अझै कति समय लाग्ने हो पत्तो छैन । यही बेला मेलम्ची खानेपानी आयोजनाको सुरुङमा दुई जना बेपत्ता भएका छन् । आयोजनाको सुरुङ निरीक्षण गरेर फर्कने क्रममा सुरुङको गेट भत्किएर दुई जना कर्मचारी बेपत्ता भएका हुन् । आयोजनाका इन्जिनियर शतिसकुमार गोइत र चालक राधाकृष्ण थापामगर मेलम्ची नदीमा बेपत्ता भएको हुन । यस्तै नदीले बगाएका शेखर खनाल र पेम्बादोर्जे तामाङको भने उद्धार गरी उपचारको लागि काठमाण्डौ पठाइएको खानेपानी आयोजनाले जनाएको छ ।