एजेन्सी । कुनै परस्त्रीसँगको अन्तरंग रोमान्सका बेला श्रीमतीको प्रवेश भयो भने त्यो पुरुषको हालत के होला ? अनुमान मात्रै गर्न सकिन्छ । ब्रजिलका एक चर्चित गायकको एक दुर्घटनामा मृत्यु भएको छ । २३ वर्षका गायक एमसी केभिनले केवल २ हप्ता पहिले बिहे गरेका थिए । बिहेको दुई हप्तामै यी चर्चित गायक श्रीमतीलाई धोका दिएर अर्की मोडलसँग शारीरिक सम्बन्ध बनाइरहेका थिए । तर त्यही बेला यस्तो घटना भइदियो कि उनले निकै त्रासदीपूर्ण दुर्घटनामा ज्यान गुमाउनुपर्यो । त्यस दिन एमसी केभिन ब्राजिलको रियो द जेनेरियोमा एक होटलमा आफना साथी भिक्टरसँग थिए । यो होटलमा उनीहरुले २६ वर्षकी मोडल बियान्कासँग भेटे । सबैले मिलेर यहाँ नशालु पदार्थको सेवन गरे त्यसपछि भिक्टरले बियान्कासँग शारीरिक सम्बन्धको बारेमा कुरा गरेका थिए । यस क्रममा केभिनले आफूले ३३ वर्षकी डियोलेनसँग बिहे गरिसकेकोले यो कुरा गोप्य राख्नुपर्ने बताएका थिए । मोडलले पहिले उनीहरुको कुरा नमानेको भए पनि केही समयपछि यसको लागि राजी भएकी थिइन् । बियान्काका अनुसार दुवै जनाले उनलाई ३९०–३९० डलर दिने सहमति भएको थियो । यो सहमति भएपछि त्यही होटलमा भएका क्रुज नामका व्यक्ति केभिनको नजिकै आएका थिए । जब क्रुजलाई यो अफरबारे थाहा भयो त्यसपछि उनले पनि यसमा आफू पनि सहभागी हुने इच्छा व्यक्त गरे । तर, भिक्टर र केभिनले उनलाई त्यहाँबाट भगाए । उनीहरुले भगाएपछि उनले केभिनका सुरक्षा गार्डलाई गएर केभिनकी पत्नीले उनलाई खोजिरहेको बताए । खासमा केभिनकी पत्नी डियोलेन पनि त्यही होटलमा थिइन् । केभिनलाई यो कुरा थाहा थिएन तर क्रुजलाई यो कुरा थाहा थियो । त्यसपछि केभिनका सुरक्षा गार्डले भिक्टरलाई केभिनकी पत्नीले उनलाई खोजिरहेको सूचना पनि दिएका थिए । भिक्टरले पनि केभिनलाई यसबारे बताएका थिए तर केभिनले यो कुरालाई बेवास्ता गरे । तर, केही बेरपछि केभिन बाथरुमबाट निस्कने क्रममा आफ्नी पत्नी आफ्नो कोठामा आइसकेको देखेका थिए । पत्नीलाई कोठामा देखेपछि केभिन बाल्कोनीमा लुक्ने प्रयास गरिरहेका थिए तर यस प्रयासमा खुट्टा चिप्लिएपछि उनी तल खसे । केभिनलाई त्यसपछि अस्पताल लगिएकोमा त्यहाँ उनलाई मृत घोषित गरियो । ब्राजिलका यी गायक निकै लोकप्रिय थिए । उनी कतिसम्म लोकप्रिय थिए भने ब्राजिलका फुटबल सुपरस्टार नेयमारले पनि उनलाई श्रद्धाञ्जली दिएका छन् । केभिनको इन्स्टाग्राममा १० मिलियन भन्दा धेरै फलोअर छन् र उनी सामाजिक संजालमा निकै सक्रिय थिए । उनको मृत्युको समयमा शारीरिक सम्बनधमा सहभागी मोडल बियान्काले यो घटनाबारे खुलासा गरेपछि निकै विवादमा परेकी छिन् ।