काठमाडौं । कोरोनाको संक्रमण अहिले विश्वभरि फैलिइसकेको छ । नेपालमा अहिलेसम्म कसैलाई कोरोनाको संक्रमण नदेखिए पनि प्रवासमा रहेका तीन नेपालीलाई कोरोनाको संक्रमण देखिएको छ । संयुक्त अरब इमिरेट्स (यूएई) मा कार्यरत दुई जना नेपालीमा कोरोना भाइरसको संक्रमण देखिएको छ । दुई नेपालीसहित १४ नयाँ संक्रमित भेटिएको यूएईको स्वास्थ्य मन्त्रालयले पुस्टि गरेको छ ।
मन्त्रालयकाअनुसार नयाँ संक्रमितमध्ये चार जना यूएईका नागरिक छन् । यस्तै दुई नेपाली, तीन इटली, दुई बंगलादेशीका साथै रुस, सिरिया र भारतका एकएक नागरिक कोरोनाबाट संक्रमित भएका छन् । भने अष्ट्रेलियामा एक नेपाली विद्यार्थी कोराना संक्रमणबाट ग्रसित भई उपचार गराइरहेका छन् ।