काठमाडौं। सिंगो समाजले पचाउन नसकेको पूर्व डीआईजी रञ्जन कोइरालाको मुद्दा पुनरावलोकन गर्ने सर्वोच्च अदालतले अनुमति दिएको छ । सर्वोच्च अदालतले सशस्त्र प्रहरीका पूर्वडीआईजी रञ्जन कोइरालाको सजाय घटाउने फैसला पुनरावलोकन गर्न अनुमति दिएको हो।

न्यायाधीशहरु बमबहादुर श्रेष्ठ, प्रकाशकुमार ढुंगाना र कुमार रेग्मीको पूर्ण इजलासले प्रधानन्यायाधीश चोलेन्द्र शमसेर जबरासहितको इजलासको फैसला पुनरावलोकन गर्न अनुमति दिने आदेश दिएको हो। प्रधानन्यायाधीश जबरा र न्यायाधीश तेजबहादुर केसीको संयुक्त इजलासले १५ असारमा कोइरालाको सजाय घटाउँदै ८ वर्ष ६ महिना कायम गरेको थियो ।

फैसलबमोजिम कोइराला गत साउन ८ गते रिहा भइसकेका छन्। सर्वोच्चको फैसला त्रुटिपूर्ण रहेको भन्दै महान्यायाधिवक्ताको कार्यालयले साउन ८ गते सर्वोच्चमा पुनरावलोकन निवेदन दर्ता गरेको थियो।